Felipe VI afirma que collaborar "xuníos" ye la base pa "construyir un futuru meyor"

Afirma que'l Pueblu Exemplar encarna les virtús pa "construyir una vida dinámica, solidaria y proyectada hacia'l futuru"

El rei solliñó esti sábadu que collaborar “xuníos, con intereses y ilusiones comunes”, ye la vía afayadiza cola que “afitar les bases pa la construcción d’un futuru meyor”.

Felipe VI tresmitió esti mensaxe na so visita, xunto a la reina Letizia, la princesa Leonor y la infanta Sofía, al pueblu exemplar d’Asturies 2023, que nesta edición recayó nes parroquies d’Arroes, Pion y Candanal, nel conceyu de Villaviciosa.

Estos tres pueblos, según el xefe del Estáu, encarnen les virtús coles que “se pue construyir una vida dinámica, solidaria y proyectada hacia’l futuru”.

Un exemplu pa don Felipe de cómo les comunidaes pequeñes "tienen valores fundamentales pal progresu de la sociedá: el respetu pol mediuambiente, la sintonía ente tradición y desendolcu sostenible y la cooperación vecinal”.